江欣燕（欣欣）梅小慧今日（15/2）现身新城电台出席电台节目访问。提到由她两人及阮兆祥主持的无线清谈节目《友乜唔讲得》，论尽娱乐圈八卦事与秘闻，大受观众喜爱。
梅小惠和江欣燕今日出席新城电台，接受家燕姐访问。（叶志明 摄）
梅小惠接受《香港01》访问时表示︰“点解会搞呢个节目，因为阵疫情，好多人冇工开，加上后期曾志伟又做咗TVB总经理，我就同佢讲你哋公司有咁多人，而且又有咁多人冇工开，问佢可唔可以支持我哋做一个节目，佢真系二话不说就应承咗。同埋佢系唯一一个揾嘉宾被人拒绝嘅，我冇记错个系张卫健（Dicky），因为当时系疫情第五波，佢话家中有年迈嘅母亲，怕担心染疫，所以就拒绝咗我哋，佢都好好，仲话下次有做，就一定会嚟。”欣欣接著说︰“其实我都说服咗佢成个钟都唔得，我先放下嘅。”
江欣燕患上甲状腺亢奋症，要长时间食药控制病情。（叶志明 摄）
此外，欣欣早前健康出现警号，经医生诊断后证实患上甲状腺亢进症，需要长时间食药控制病情︰“我睇有位医生，佢话我呢个年纪停经之后，体内荷尔蒙嘅DNA起咗变化，变咗有咁嘅情况出现。之后我就返去问屋企人，问到六姑姐先知道我爸爸之前甲状腺都有问题。我阵时真系长时间瞓唔到觉，仲要无时无刻都好抗奋好精神，搞到个人好辛苦，有时候手脚都会冇力，咁所以到而家我都仲要食药搞到病情。”
江欣燕与梅小慧，多年来都感情要好。（叶志明 摄）
